مولود عذبني هالشايب

مولود عذبني هالشايب


قبل ثلاثة اشهر تقريبا جاءت احدى اقاربي وهي امراة كبيرة السن تشتكي من زوجها العجوز الذي اتعبها بتصرفاته فقالت لي اريد منك قصيدة للشايب 0عسى يرتدع ويتوقف عن هذه التصرفات00 فكتبت لها:

المن اشتكي عذبني هلشايب
مرمرني وصبح منه الكلب ذايب

يتحجج علي كل ساع راي جديد
نوبه يريد كهوة ونوبه جاي يريد
لو اعلكله صابيعي شمع ميفيد
يتحجج علية ايدور اطلايب

مايهجعله ساعة وحيراني وياه
شما جيسن كتر من عندة يصرخ آه
صاير صيدلية البيت من دواه
لاميت ولامن المرض طايــــــــــب

عكس الناس نومه ينام بلمكلوب
كتله ورتكله من الجكاير توب
من يغفه الشخير اتسمعه ذاك الصوب
وخشمه تكول واحد ينفخ اب بايب

كل اتلث ثشر يسبح فرد مرة
من يوم العرس مانازع السترة
اليشتم غترته يبتلي ابعمره
ساعه من الوعي عكله يضل غايب

صدره من الجكاير صار خرخاشه
من نكت الطفو امزرف الدشداشه
ليلة المن وكت مانفرش فراشه
يوم اكشر يصير وتبدي المصايب

يغفه من المغيرب وآنه اضل ابضيج
ويفز الفجر وي طكة الابريج
شغل وعمل ماكو راح اشك الزيج
يسأل علغده ومسواك ماجايب

مامرة ابحياتي فرح راواني
جنت ابفد كلب حطلي كلب ثاني
اخافن لو حجيت الآهلي وخواني
ايكسرونه وحير انوب انا ابعايب

المن اشتكي عذبني هلشايب